Ќе се дигитализираат над 100 судови во земјата, најави министерот Маричиќ

24.03.2021 12:44 | KumanovoNews

Реформите во правосудството кои ги презема Министерството за правда како и евроинтеграциите, биле тема на разговор на министерот за правда Бојан Маричиќ, кој во Брисел оствари средби со европратеникот и претседавачот на ЛИБЕ Комитетот, Хуан Фернардо Лопе Агулар и хрватскиот европратеник Тони Пицула.

Ќе се дигитализираат над 100 судови во земјата, најави министерот Маричиќ

Маричиќ ги потенцирал реформите во судството со фокус на проектот за дигитализацијата на судовите, процес на кој Министерството за правда интензивно работи, а ќе резултира со над 100 дигитализирани судници, што ќе претставува огромен технолошко-информатички скок и модернизација.

„Тоа ќе придонесе за побрзи и поефикасни судски постапки, а правдата ќе може непречено да биде испорачана и при услови на пандемија, а со тоа ќе се заштити и здравјето на сите вклучени со процесите“, соопштуваат од МП.

Дополнително, министерот информираше и за процесот на филтрација во правосудството кој го спроведува Судскиот совет и што според него овој процес претставува за Министерството за правда, а тоа е враќањето на довербата на граѓаните во правната држава. На состаноците беа претставени и деталните планови за борба против корупцијата.

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk