Минималната плата се зголеми на 20.175 денари

 Mинималната плата да се зголеми на 20.175 денари, одлучи на денешната седница на Економско социјалниот совет на Владата .Тоа практично значи зголемување од над 12% на сегашната основна плата.

„Почнувајќи од април минималната плата во државата ќе биде повисока за 2.175 денари и од 18.000 ќе се покачи на 20.175 денари“, изјави претседателот на Владата Димитар Ковачевски.

Линеарно ќе се усогласуваат и платите на над 27.000 административни службеници и други сектори кои ги имаат усогласено колективните договори со Методологијата за постојан раст на минимална плата.

Минималната плата не треба да биде мотив, таа треба да биде за најниското ниво на вработени.

„Нашите работници мора да имаат повисоки плати, но мора да си ги заслужат и да ги одработат, а ние соодветно да ги наградиме. Но, мора да разговараме и во друга насока, а тоа е да имаме попродуктивни работници и да имаме млади луѓе кои ќе сакаат да работат во приватниот сектор и да живеат тука“, истакна претседателката на Организацијата на работодавачи Владанка Трајковска.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk