Министерството за здравство ќе го набави единствениот лек против ковид „Молнупиравир“

Министерството за здравство ќе го набави лекот Молнупиравир, кој засега е единствен лек против ковид-19.

Оттаму соопштуваат дека министерството проактивно стапило во контакт со производителот на лекот, компанијата МСД, и за кратко време ќе започнат преговорите за негова набавка.

„Лекот „Молнупиравир“ е во форма на таблета и може да го примаат сите пациенти кои се позитивни на ковид-19. Лекот се дава во првите пет дена од дијагностицирање на вирусот, а досегашните клинички испитувања покажуваат
дека хоспитализацијата со овој лек е намалена за 50%“, соопштуваат од Mинистерството за здравство.

Сепак, здравствените власти укажуваат дека лекот и вакцината против ковид-19 не може да се споредуваат.

„Вакцините против корона вирусот спречуваат тешка форма на болеста, компликации при хоспитализација или смртен исход. Вирусот ковид-19 брзо мутира и најголема ефикасност даваат вакцините, а целта е постигање на колективен имунитет, како би се заштитиле од новите соеви на SarsCoV2“, стои во соопштението.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk