Зачленете се во нашиот клуб на читатели и најновите текстови ќе ги добивате на вашата мејл адреса
Сојузот на средшколци оствари компромис на последната средба во Владата, и одлучи да го прифати понуденото решение за државна матура – ќе полагаат два екстерни и два интерни испити.
На состанокот кој го организираше премиерот, беше донесена одлука дека третиот екстерен предмет ќе се полага како интерен, по што Сојузот на средношколци објасни дека оваа промена предвивува и ново добивање на поени. Екстерните предмети ќе носат најмногу 20 поени, наместо сегашните 30, а интерните најмногу 16 наместо сегашните минимални 6 поени. Проектната задача останува по старо и ќе носи 4 можни поени.
Од Сојузот сметаат дека ваквиот начин на распределба на поените е поправеден и порамномерен за сите матуранти. Дополнително, задоволни се што ова ги исполнува условите за квалитетно образование и интересот на учениците.
Но, преговорите продолжуваат во врска со барањето да се извади просечна оценка од изминатите четири години.
Испитите за државна матура би требало да започнат на 29-ти мај со полагање на мајчин јазик, а потоа и вториот екстерен предмет, каде ќе се бира помеѓу математика и странски јазик.
(Д.Д.)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk