Српските државјани нема да плаќаат патарини од 15 јуни до 15 август во Македонија

Во знак на благодарност кон Србија за донацијата на вакцини, српските државјани нема да плаќаат патарина во земјава од 15 јуни до 15 август. Ова го соопшти министерот Венко Филипче, кој денеска во Белград беше во посета на Институтот за вирологија, вакцини и серуми „Торлак“.

„Благодарение на министерот Лончар, премиерката Брнабиќ и посебно претседателот Александар Вучиќ, преку донацијата на вакцини од Србија ние го започнавме процесот на имунизација кај нас. Заради овој пријателски гест, Владата донесе одлука сите српски граѓани да бидат ослободени од плаќање на патарини од 15 јуни до 15 август, тоа е оваа сезона во која голем број на српски граѓани традиционално патува и во Македонија и према Грција“, кажа Филипче.

При посетата на институтот „Торлак“ каде се произведува руската „Спутник“, било договорено стратешко партнерство за набавка на вакцини за наредниот период.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk