„Стави појас – вози одговорно“ кампања за безбедност во сообраќајот

Денеска возачите на автомобилите во централното градско подрачје најдоа летоци и флаери со кои се потсетуваат да го врзуваат сигурносниот појас кога се возат во патничко возило.

Кампањата е на Републичкиот Совет за безбедност во сообраќајот и на патиштата во соработка со Министерството за внатрешни работи, под мотото „Сигурносниот појас спасува животи“ - „Не вреди ризикот“.

„Потсетуваме дека појасот е наменет за лична сигурност и заштита и на возачот и на патниците и може да влијае какви последици би настанале при сообраќајна незгода. Обврската за носење е и за предните и за задните седишта, и не прави разлика дали се работи за возење во град или надвор од населено место. Вклучувањето на воздушни перничиња зависи дали е ставен сигурносниот појас. Инаку за оние кои не го користат можат да следат санкции, без разлика дали возат или седат на некое од седиштата за патници“, порачуваат организаторите на камапањата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk