Стигнаа 10.530 вакцини на „Фајзер“, ќе се користат во вакциналните пунктови низ земјава

Попладнево стигна првата пратка од вакцините на „Фајзер“, која властите ја обезбедиjа cо директни преговори со овој производител, информира Министерството за здравство.

„Станува збор за 10.530 дози од вакцината Фајзер, кои веќе од среда ќе бидат распределени по вакциналните пунктови во државата, каде се одвива вакцинација согласно Националната стратегија за ковид имунизација“, соопшти Министерството за здравство.

Куманово е еден од градовите каде што ќе се спроведува масовна имунизација.

Од Здравствениот дом денеска информираат дека чекаат насоки од Министерството во кој спортски објект ќе се спроведе вакцинацијата.

(Фото: Министерство за здравство)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk