Пак „падна“ семафорот кај „Жмара“

Повторно е оштетен еден од семафорите на раскрсницата на булеварот „Октомвриска револуција“ и улицата „Пионерска“ во Куманово.

Не е познато како семафорот настрада, дали некој намерно го удрил или самиот се откачил и паднал. Нема траги дека е скршен од удар со возило.

Семафорот работи. Но, наместо на столб кутијата стои на земја и се држи на електричните жици.

Од СВР Куманово велат, дека кај нив нема пријава за сообраќајна незгода ниту за насилно однесување и кршење на семафорот. Тие случајот го пријавиле во Општина Куманово, која е надлежана за одржување на вертикалната сигнализација во градот.

Стана редовна пракса овој семафор да се уништува. Беше поправен пред само неколку месеци откако во мај беше скршен во сообраќајка.

      

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk