20 милиони денари од Владата за ски центар на Царев Врв

Со ребаланс на Буџетот за 2021 година, Владата издвои 20 милиони денари за креирање на мастер план за ски центарот на Царев Врв, објави вицепремиерот за борба против корупција, одржлив развој и човечки ресури, Љупчо Николовски.

„Изработката на мастер планот за ски центарот вклучува: скенирање на теренот, урбанистички подлоги, дефинирање на траси, пристапи од градови, комунална и патна инфраструктура, истражување на модели за управување, како и анализа на лоцирање на туристичка населба“, посочува Николовски.

Тој потенцира дека развојот на Осоговскиот регион веќе станува реалност, се промовира туризмот и спортот, а со тоа се гради цврста основа за економски напредок и подобар живот на граѓаните.

(Ж.Ц)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk