Зачленете се во нашиот клуб на читатели и најновите текстови ќе ги добивате на вашата мејл адреса
Во Полициска станица Крива Паланка денеска околу 11 часот било пријавено дека на електронска адреса на едно основно училиште во Крива Паланка е упатена закана за поставена експлозивна нaправа.
„Веднаш по добиената пријава, од полициски службеници се преземени мерки за безбедно евакуирање на училиштето и во тек се антитерористички проверки и се преземаат мерки за расчистување на случајот“, соопшти СВР Куманово.
Од училиштето велат дека штом ја добиле заканата веднаш пријавиле во полицијата, а децата безбедно се евакуирани.
За да не се создава паника, им кажавме само дека денеска предвреме ќе завршиме со настава и тие мирно беа испратени од училиштето, вели директорот на основното училиште.
Првично е утврдено се дека се работи за лажна пријава, а надлежните работат на случајот.
Дојави за бомби утринава имало и во три скопски училишта.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk