Драган Спасов Дац лауреат на 14-от Меѓународен театарски фестивал „Свети Јоаким Осоговски“

Познатиот актер Драган Спасов Дац е лауреат на 14-то издание на Меѓународниот театарски фестивал „Свети Јоаким Осоговски“, што се одржува под покровителство на Општина Крива Паланка.

Наградата му се доделува за особен придонес во театарската уметност и културата, а свечено ќе му биде врачена на 26 октомври, во големата општинска сала. Промотори на творештвото и достигнувањата на Драган Спасов Дац ќе бидат Гоце Ристовски, Томислав Османли и Благоја Чоревски.

Со прогласувањето на лауреатот свечено ќе биде отворено овогодинешното издание на фестивалот. На 27 и 28 октомври ќе се одржи алтернативниот мултимедијален фестивал „Гига фест“, посветен на кривопаланечкиот актер и режисер Глигор Цветковски (1980-2021).

На фестивалската програма се театарските претстави „Кабаре од А до Ш“ на Уметничката работилница „Призор“ од Белград, Србија, „Чекајќи го министерот“ со Лидија Вукичевиќ, Сашо Ристовски и Семир Гициќ, „Секс и лаги“ на НУЦК НТ Куманово,  „Разведи ме „ на Театар „Провокација“ од Скопје, „Брачен круг“ на НТ„Стерија“, Вршац, Стед ап со Тино и Атанас и настап на Драмското студио при СОУ „Ѓорче Петров“.

Театарската програма ќе трае од 30 октомври до 6 ноември.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk