Зачленете се во нашиот клуб на читатели и најновите текстови ќе ги добивате на вашата мејл адреса
Техничкиот премиер Талат Џафери денеска беше во Општина Липково, при што направи увид во новата градинка во селото Матејче.
Градинката е со капацитет за згрижување на над 117 деца и ова е најголемата градинка на територијата на Општина Липково. Вкупната инвестиција е 960.000 евра. Објектот е изграден на површина од 560 метри квадратни, а во него ќе можат да се згрижат деца од јасли до шест години. Градинката ќе има и сопствена кујна, со капацитет за подготовка од 100 до 200 оброци дневно.
„Градинката е современ енергетско-ефикасен објект изграден по сите стандарди, со цел, обезбедување подобар квалитет на раното детско згрижување и воспитување, и подобрување на пристапот и интересот за услугите поврзани со згрижувањето и воспитувањето на нашите најмили од нивната најрана возраст“, кажа Џафери.
Џафери го посети и Домот на културата во Матечје, за кој владата обезбедила 30 милиони денари да се реконструира. Присуствуваше и на увид на реконструираниот локален пат во селото Липково. А потоа го посети и Основното училиште „Рилиндја“ во село Лојане, Општина Липково, каде што наскоро ќе започне изградба на спортска сала.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk