Гром предизвика пожар во Макреш, изгореа 15 хектари сува трева и нискостеблеста шума

Пожар предизвикан од удар на гром избувнал вчера во атарот на селото Макреш, во Општина Старо Нагоричане, при што изгореле околу 15 хектари сува трева и нискостеблеста шума.

 

„Од удар на гром е запалено стрниште, а пожарот се проширил на останатите површини со сува трева и нискостеблена шума“, велат од Регионалниот центар за управување со кризи (РЦУК).

На терен интервенирала Територијалната противпожарна единица од Старо Нагоричане од 15.00 до 20.00 часот со две противпожарни возила и шест пожарникари, а во гаснењето помогнале и жители на селото.

Со навремената интервенција, пожарот бил локализиран и целосно ликвидиран, со што е спречено неговото понатамошно ширење.

2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk