Нелегална трговија со свињи во Крива Паланка спречиле АХВ и МВР

Нелегална трговија со свињи во Крива Паланка  спречиле  инспекциските служби на Агенција за храна и ветеринарство (АХВ),   во соработка со Министерството за внатрешни работи (МВР), а истата појава е заблежана и на подрачето на општина Радовиш.

Обидот а нелегална трговија е забележан во  неколку наврати, спротивно на донесените решенија  и воведените заштитни и контролни мерки за спречување на појава и ширење на болеста африканска чума кај свињите.

„Свињите се запленети во рамки на редовните и вонредните контроли кои ги спроведува АХВ во соработка со МВР, а кои се насочени кон спречување на нелегална трговија со овој вид добиток со цел спречување на појава на нови жаришта на болеста“, се посочува во соопштението на АХВ.

 За запленетите свињи, сопствениците не поседувале соодветна документација за потеклото и здравствениот статус на животните, ниту истите биле идентификувани. Одземените животни се нештетно уништени, против сторителите се изречени парични казни согласно Законот за прекршоци, а Министерството за внатрешни работи ќе поднесе и соодветни кривични пријави за сторено дело ширење на заразни болести.

Во населените места во Општина Куманово , пак, каде се уште се на сила наредените мерки за спречување на ширење на болеста африканска чума кај свињите, сега се врши попис и се спроведуваат клинички прегледи на одгледувалиштата, по што, зависно од здравствената состојба на животните, ќе се направи и проценка дали ќе се укинат наредените заштитни и контролни мерки.

Во останатите општини каде имаше појава на жаришта на болеста, мерките се укинати и таму може да се врши репопулација, но, само со исполнување на соодветни услови  во одгледувалиштата и само ако за тоа дозвола даде официјален ветеринар по спроведен надзор.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk