Поднесени повеќе кривични пријави против сопствениците на крави во Крива Паланка, велат од МВР

Одделението за внатрешни работи во Крива Паланка во текот на 2024 и 2025 година поднело повеќе кривични пријави против сопственици на домашни животни – крави, соопшти денеска СВР Куманово.

„Пријавите се однесуваат на загрозување на сигурноста, насилство, спречување службено лице при вршење службени дејствија, а исто така во ОВР Крива Паланка биле евидентирани и неколку нарушувања на јавниот ред и мир со физички напади помеѓу сопствениците на домашните животни и месното население, за кои биле преземени соодветни мерки“, стои во соопштението.

Понатаму се наведува дека СВР Куманово – ОВР Крива Паланка постапувале согласно законските надлежности по сите пријави.

„За одземање на домашните животни од сопствениците надлежна е Агенцијата за храна и ветеринарство, при што полициските службеници од ОВР Крива Паланка неколку пати обезбедиле асистенција“, додаваат од секторот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk