Полициски возила со камери ќе ги “ловат“ погрешно паркираните возила

Полициски возила со камери ќе ги снимаат и ќе казнуваат сите погрешно паркирани возила на сообраќајниците во поголемите градови во земјата.

Оваа мерка за воведување ред во сообраќајот ќе почне да се променува од 1 јануари 2026 година.

„Дел од имплементацијата на „Сејф сити“ ќе бидат и возила кои ќе бидат опремени со паметни камери и при движење на сообраќајници ќе ги констатираат сите погрешно паркирани возила, по што тие ќе бидат процесирани во системот на обработка на податоци, рече министерот Панче Тошковски.

За ефикасно и функционално спроведување на проектот „Безбеден град“ ќе биде потребно да се направат измени на најмалку пет закони.

Тошковски кажа дека паралелно треба да се работи на урбанистички предуслови, бидејќи во повеќето градови, нема доволен простор за паркирање.

Од 1 јануари 2026 година, неколку месеци граѓаните прво ќе добиваат пораки со предупредување.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk