Поставени нови садови за смет во Крива Паланка

Вкупно 30 нови садови за смет обезбеди ЈП „Комуналец“ од Крива Паланка, кои се наменети за централното градско подрачје.

Садовите се набавени со сопствени средства на комуналното претпријатие за да се обнови комуналната опрема и да се заменат старите и оштетени корпи за отпадоци.

„Вкупно 20 садови за отпад се поставени во централното градско подрачје, долж главната улица „Свети Јоаким Осоговски“. Останатите 10 ќе бидат поставени на новиот Градскиот плоштад, откако ќе завршат градежните работи, вели директорот на ЈП „Комуналец“, Миле Марковски.

Во текот на пролетната сезона, се врши и уредување на дрворедот, како и хортикултурно уредување на јавните површини во централното подрачје и на други локации во градот.

(Ж.Ц.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk