Промоција на книгата „Кривопаланечки страоградски песни“

Во Центарот за култура Крива Паланка, утре во 20 часот ќе биде промовирана книгата „Кривопаланечки староградски песни“ од Филип Додевски.

Авторот е член на КУЗ „Распеани Паланчани, па првото издание на збирката староградски кривопаланечки песни сведочи за негувањето и зачувувањето на градската музичка традиција.

Во делото се запишани  вкупно 17  песни со текст и нотен запис во кои се опеани личности и настани од кривопаланечката историја, од минатото и од градскиот живот.

„Одала се је Ленка Стевчова“, „Минеш, минеш“, „Шавр трава, бучемиш“, како и „Блазе тебе малој моме“ за кој е направен видео запис со Александар и Дац, се само дел од запишаните староградските песни познати меѓу кривопаланчани, а кои се пеат со децении.

Издавач на книгата е Општина Крива Паланка, а освртот  за градската традиција и естетска анализа на песните е на д-р Јордан Михајловски, писател, публицист, хроничар  и член на КУЗ „Распеани Паланчани“.

Во чест на промоцијата на првата книга за кривопаланечката староградска песна ќе настапат  КУЗ „Распеани Паланчани“ и КУД „8-ми Отомври“ при НУ Центар за култура.

Овој настан е дел од манифестацијата „Крива Паланка –Град на културата 2024“. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk