Зачленете се во нашиот клуб на читатели и најновите текстови ќе ги добивате на вашата мејл адреса
Српската фолк пејачка Светлана Ражњатовиќ и поп пејачот Саша Ковачевиќ, ќе бидат ѕвезди на вечерта на годинешната прослава на Денот на Крива Паланка, кој ќе се одржи на 29 и 30 август на градскиот стадион.
Првата вечер, во петок, покрај Цеца, ќе настапат и Мирза Селимовиќ и македонски диџеј Галоски, додека втората вечер во сабота освен Ковачевиќ, ќе трубачкиот оркестар Биг Бенд Дејан Петровиќ и германскиот диџеј Tom Novy. Концертите ќе започнат во 21 часот, а ќе трајат до 1 часот по полноќ.
„Крива Паланка е подготвена за спектакуларна прослава на 29 и 30 август. Два дена на една сцена и безвременска енергија. Градот ќе блесне во полн сјај и сите патишта ќе водат кон нашиот град, кој ќе биде домаќин на дводневна манифестација посветена на Пресвета Богородица – заштитничка на градот. Посетителите ги очекуваат незаборавни музички ноќи исполнети со емоции, светла, ритам и многу љубов“, соопштуваат од Општина Крива Паланка.
Минатата година на Денот на Крива Паланка концерт одржа Здравко Чолиќ, на кој отиде половина Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk