Во пожар во куќа во Крива Паланка починаа сопружници

Во пожар што избувнал утрово во семејна куќа во Крива Паланка изгоре брачен пар, сопружници на возраст од над 80 години, информираше Центарот за управување со кризи (ЦУК).

„Секторот за операции и координација во Центарот за управување со кризи во 8:57 часот добиле пријава за запалена куќа на улицата „Херој Карпош“ во Крива Паланка. Во гаснењето на пожарот интервенирале пожарникарите, по што е изгаснат во 10 часот. Во пожарот имало и две жртви сопружници на постара возраст, над 80 години“, информираше ЦУК.

 Од Противпожарната единица на Крива Паланка, објавија дека утрово по добиена дојава за запалена семејна куќа, интервенирале со 2 ПП возила и 9 пожарникари, но за жал во пожарот животот го загубиле двајца сопружници.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk