Зачленете се во нашиот клуб на читатели и најновите текстови ќе ги добивате на вашата мејл адреса
Пожарникарите од Старо Нагоричане со поддршка на припадниците од другите институции со крајни сили се обидуваат да спречат пожарот од селата Малотино и Рамно да се прошири кон соседните села.
Тие се сконцентрирани да ја одржат линијата на огнот и да не дозволат да се префрли на другата страна од патот. Во спротивно тоа би значело големо проширување на пожарот кој во овој момент е од 3 до 4 километри.
„Имаме воздушна поддршка, српскиот хеликоптер и хеликоптерот на МВР дејствуваат од раните утрински часови. Делуваме сите 9 пожарникари од единицата од Старо Нагоричане, 30 припадници на армијата, екипа од 5 лица на ЈП „Национални шуми“, но никако да го ставиме огнот под контрола и да го локализираме пожарот во Малотино и Рамно“, истакна командирот Далибор Трајковски.
Споменатите села се наоѓаат на релативно непристапни терени, па за превоз на луѓе се користат џип возила. Гори мешана шума- јавор и даб, како и борова шума.
На територијата на општина Куманово ситуацијата е мирна и стабилна. Пожарникарите имале 3 интервенции во изминатото деноноќие, пожари од помали размери кои рутински биле санирани. Горело стрниште во селото Романовце и сува трева во населбата Јане Сандански и Зелен рид.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk