Хигиената во градот-врвен приоритет за новиот градоначалник на Крива Паланка

Новиот градоначалник на Крива Паланка, Сашко Митовски веднаш по стапувањето на функцијата побара од надлежните служби да започнат со интензивно чистење на најпрометните локации во градот.

Веќе е исчистена пешачката патека покрај Крива Река, воведено е ноќно миење на улиците, а извршено е и темелно чистење на Градскиот зелен пазар.

Митовски истакна дека хигиената на градот е врвен приоритет и дека следува целосна реорганизација на планот и програмата за секојдневно чистење на градот.

„Одржувањето на чиста и убава Крива Паланка ќе биде препознатлив знак на моето работење и работењето на ЈП„Комуналец“. Секогаш во служба на граѓаните“, вели Митовски.

Тој присуствува на сите активности за чистење на градот без разлика дали се во работен ден или за време на викендите.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk