Зачленете се во нашиот клуб на читатели и најновите текстови ќе ги добивате на вашата мејл адреса
Дваесет и осумгодишен жител на Крива Паланка загина во сообраќајна несреќа што ноќеска се случила на магистралниот пат Куманово- Крива Паланка, кај селото Страцин.
Според информациите од Министерството за внатрешни работи, несреќата се случила 10 минути по полноќ, кога патничко возило „Опел астра“ со кривопаланечки регистарски ознаки, управувано од Н.С. (28) од Крива Паланка, излетало од коловозот и удрило во бетонски заштитен ѕид.
Возачот починал на местото на несреќата, а смртта ја констатирал лекар од Итната медицинска помош.
По наредба на јавен обвинител, телото на починатиот е предадено на Институтот за судска медицина за обдукција.
Увид на местото на несреќата извршила увидна екипа од ОВР Кратово, а причините за несреќата се утврдуваат.
Територијалната противпожарна единица (ТППЕ) Куманово, соопшти дека интервенирала на собраќајката од 00:10 до 01:35 часот.
2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk