Арсенал го пречекува Баерн, Атлетико гостува во Милано

19.02.2014 12:45 | KumanovoNews

После победите на Барселона и ПСЖ, денеска ќе се одиграат нови два натпревари од осминафиналето на Лигата на шампионите.

Арсенал го пречекува Баерн, Атлетико гостува во Милано

Бранителот на титулата, Баерн Минхен гостува во Лондон, каде што ќе се сретне со екипата на Арсенал. Овие два тима се сретнаа и минатата година во истата фаза од натпреварувањето, каде што баварците беа поуспешни.

Знаеме дека ќе биде тешко против Баерн, се работи за силна екипа. Но ние сме Арсенал, имаме големи амбиции, во подобра состојба сме од минатата сезона и ќе направиме се да се пласираме понатаму - изјави тренерот на Арсенал, Арсен Венгер.

Дефанзивецот на Баерн, Џером Боатенг изјави дека Озил е клучниот играч на Арсенал, и дека многу е важно да не дозволат да бркаат резултат против Ареснал.

Во истиот термин, Атлетико Мадрид гостува на миланскот Сан Сиро, каде што ги пречекува екипата на Милан.

Атлетико игра одлично во првенството, имаат одлична екипа. Диего Симеоне беше фантастичен фудбалер, а сега е и одличен тренер - изјави најдобриот играч на Милан, Марио Балотели.

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk