Зачленете се во нашиот клуб на читатели и најновите текстови ќе ги добивате на вашата мејл адреса
Со време на нов олимписки рекорд најбрзиот човек на светот Усеин Болт од Јамајка синоќа победи на трката на 100 метри на „Олимпискиот стадион“ во Лондон.
Тој патеката ја истрча за 9 секунди и 63 стотинки. Сребрениот медал му припадна на неговиот сонародник Јохан Блејк, а бронзата е за Американецот Џастин Гетлин. Дури седум атлетичари истрчаа под 10 секунди, со исклучок на Асафа Пауел од Јамајка, кој се повреди за време на трката.
На 3.000 метри со пречки очекувана победа на Кениецот Езекеил Кембои, а по него стигнаа Французинот Махидине Мехиси-Бенабад и неговиот сонародник Абел Кипроп Мутаи.
Во фрлање кладиво триумф на Унгарецот Кристијан Парс, пред Словенецот Приморж Козмус и Jапонецот Коџи Мурофуши.
Во трката на 400 метри кај жените најбрза беше Американката Сања Ричардс – Рос со време 49.55 секунди и го освои златниот медал. „Сребрена“ Британката Кристине Охуруогу , а Американката Ди Ди Тротер стигна до бронзениот медал.
Во дисциплината трискок (жени) со најдобриот резултат (14.98 метри) сезонава победи Олга Рипакова од Казахстан, пред Катерине Ибаргуен од Колумбија и Украинката Олга Саладуха.
Атлетичарката од Етиопија Тики Гелана победи на маратонска трка што се трчаше по улиците на Лондон во лоши временски услови (дожд). Гелана златниот медал да го освои со време на нов олимписки рекорд – 2 часа 23 минути и 7 секунди. Сребрениот медал и припадна на Присах Џепто од Кенија, а бронзата на Татјана Петрова Архипова од Русија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk