Ѓоковиќ ја освои својата прва круна во Монте Карло

Српскиот тенисер и актуелен број еден на светот, Новак Ѓоковиќ ја прекина осумгодишната доминација на Шпанецот Рафаел Надал на Мастерсот во Монте Карло и со 6-2, 7-6 триумфираше денеска во финалето на овој турнир.

Ѓоковиќ ја освои својата прва круна во Монте Карло дури во третиот обид, откако двапати губеше од Надал во 2009 и 2012 година. Шпанецот, пак, од 2005 година наваму беше непобедлив се до денеска, кога Ѓоковиќ ја прекина осумгодишната серија на триумфи.

Србинот тргна убедливо во мечот и во првиот сет стигна набрзина до 5-0, па Надал се што стори беше да освои само два гема и да му ја препушти првата битка на Ѓоковиќ. Во вториот сет, двајцата тенисери одиграа многу поизедначен меч, Надал во шестиот гем направи брејк за 2-4, но Србинот се врати набрзина и по тај-брејкот стигна до својот прв трофеј на овој Мастерс.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk