Зачленете се во нашиот клуб на читатели и најновите текстови ќе ги добивате на вашата мејл адреса
Новак Ѓоковиќ го продолжи атакот на своајта втора круна на Вимблдон откако попладнево стигна до рутинска победа од 3-0 во сетови над Шарди.
Францускиот тенисер во ниту еден момент не му беше достоен ривал на првиот носител, кој целосно ја демонстрираше својата надмоќност и славеше со убедливи 6-3, 6-2, 6-2.
За очекување е Ѓоковиќ да се соочи со далеку посилен ривал во осминафиналето, со оглед на фактот дека Србинот против себе ќе го има Томи Хас, кој се наоѓа во одлична форма во последните неколку месеци.
Томаш Бердих се врати од негатива од 0-1 во сетови и славеше со 3-1 над Андерсон, а следен ривал на чешкиот тенисер ќе му биде Австралиецот Бернард Томиќ, кој пријатно изненади совладувајќи го деветтиот носител Ришар Гаске.
Многу интересно беше на дуелот Сепи - Нишикори, на кој славеше италијанскиот тенисер со 3-2 во сетови, со што се здоби со право во осминафиналето да излезе на мегдан со Хуан Мартин дел Потро.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk