Државно првенство во друмски велосипедизам ќе се одржи во Куманово

Државно првенство во друмски велосипедизам ќе се оддржи утре (недела) во Куманово, во организизација на велосипедскиот клуб „Вело-М Термалифт“, Велосипедска Федерација на Македонија и Општински сојуз на спортови на Куманово.

Државното првенство во друмски велосипедизам се смета за најпрестижна трка и победникот ќе се закити со титулата државен првак на Македонија.

„Куманово како и во претходните години така и годинава е домаќин на оваа манифестација, а патеката на која ќе се вози е Куманово – Крива Паланка – Куманово за категорија сениори, јуниори и мастерс, додека пак помалите кадети и категорија жени ќе возат на релација Куманово – Страцин – Куманово, - изјави спортскиот директор Марјан Петровски .

Трката ќе започне на плоштадот во Куманово во 10 часот, а ќе ја отвори градоначалникот Максим Димитриевски. Целта ќе биде на ресторанот Кеј.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk