Зачленете се во нашиот клуб на читатели и најновите текстови ќе ги добивате на вашата мејл адреса
Во фудбалскиот шампионат на Италија викендов на програмата се натпреварите од 27. коло во кое ќе се одиграат два дерби дуела.
Во Неапол кај второпласираниот Наполи вечерва од 20 часот и 45 минути гостува лидерот Јувентус во натпревар со кој ќе биде отворен 27-от круг. Со евентуална победа домаќините ќе и се доближат на „старата дама“ на само три бода, во спротивно Јувентус ќе биде поблиско до одбрана на титулата.
Утревечер во истиот термин (20:45) во Милано, четвртиот на табелата Милан ќе му биде домаќин на третопласираниот Лацио во обид да ја продолжи успешната резултатска серија и со евентуален триумф да се искачи на третото место.
Другите натпревари од оваа рунда ќе бидат одиграни в недела. Двојките се: Торино – Палермо, Сиена – Аталанта, Болоња – Каљари, Фиорентина – Киево, Катанија – Интер, Сампдорија – Парма, Пескара – Удинезе, и Рома – Џенова.
Табела: Јувентус 58 бодови, Наполи 52, Лацио 47, Милан 45, Интер 44, Фиорентина 42, Катанија 42.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk