Зачленете се во нашиот клуб на читатели и најновите текстови ќе ги добивате на вашата мејл адреса
Ракометарите на Вардар вчера на финалната средба на Купот на Македонија во Охрид го совладаа градскиот ривал Металург со резултат 30-28.
Избраниците на шпанскиот тренер Раул Гонзалес одлично го започнаа натпреварот кога направија серија од 6-0 и во првото полувреме заминаа на пауза со предност од 3 гола позитива.
Во второто полувреме имаше малку пожестока игра за да на 3 минути пред крајот на натпреварот резултатот биде нерешен (27-27).
Но сепак Вардарци вчера го освоија и вториот трофеј сезонава по триумфот во Сеха лигата и вкупно деветиот во Купот на Македонија.
Најефикасни во таборот на победниците беа Тимур Дибиров со осум погодоци и Матијаж Бримен со седум. Кај Металурзите најефикасен беше Ренато Вугринец со седум погодоци.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk