Филип Наковски е шампион на Македонија во кик-бокс

Кумановецот Филип Наковски овој викенд стана државен првак во кик-бокс во категоријата до 89 килограми.

Тој оваа награда ја освои на државното првенство за сениори, кое беше одржано во Радишани Скопје, во организација на кик-бокс федерацијата на Македонија.

Ова е голем успех за нашиот клуб и град и се должи на напорни тренинзи, посветеност во спортот и дисциплина. Јас сум задоволен од постигнатиот успех и се надевам дека Филип ќе го повтори успехот од ова првенство, а можеби во иднина ќе учествува и на некое по реномирано балканско или европско првенство - изјави Сашо Илиевски, тренер во клубот Куманово 2006.

Наковски во финалето победи на поени, а оваа натпреварување беше одржано во дисциплините на татами. На шампионатот учество земаа 67 натпреварувачи од 15 клуба.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk