Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово го забележаа првиот пораз во домашното првенство. ФМП Академија беше попрецизен во пенал рулетот во последната минута од натпреварот и забележа победа од 91-89.
Ниту една од двете екипи не успеја да направи двоцифрена предност, што покажува дека квалитетот на тимовите е тука некаде и честото менување на предноста зависеше од моменталното расположение на актерите на теренот.
Куманово имаше иницијатива во првата четвртина кога стинга до 9 поени предност. ФМП ја намали разликата по што следуваше резултатска клацкалица и до средината на последниот период никој од тимовите немаше поголема предност од 5 поени а меѓусебе водството го разменија повеќе од 20 пати.
ФМП го премина прагот од 5 поени во последнот период, кога имаше максимални 7 поени предност, меѓутоа Куманово не дозволи предвреме да биде завршен натпреварот. Клучна беше тројката на Црниќ кога Куманово изедначи и резултатот на семафорот беше 88-88. Херис погоди три од четирите слободни фрлања во последните два напада, додека за Куманово Андреј Цветковски погоди едно од двете, а подоцна Црниќ одкако го промаши првото слободно фрлање, намерно промашуваше во обид да дојдат до офанзивен скок кој би донел најмалку нерешен резултат.
Дуелот во кој и двата тренери играат против својот поранешен тим заврши во корист на Александар Петровиќ со резултат 91-88.
Стефан Крстајиќ беше најефикасен поединец на натпреварот со 32 поени. За Куманово Александар Андрејевиќ постигна 24 поена.
Во следното коло Куманово го пречекува Гостивар.
Фото: youtube.com - screenshot
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk