Гечевски се збогува со репрезентацијата на Македонија

Тодор Гечевски, еден од најискусните македонски кошаркарски репрезентативци реши да се збогува со репрезентативниот дрес и местото да им го отстапи на помладите.

Останува на помладите да продолжат по патот и да ги следат своите желби, за мене во Kаракас беше крајот на настапите во репрезентацијата- изјави Гечевски.

Ветеранот во изминатите петнаесетина години беше незаменлив во македонскиот национален тим, но стави крај на репрезентативната кариера и сега се фокусира на клупските обврски во МЗТ Скопје, кој во идната сезона ќе настапува во АБА лигата.

Жалам што едно лошо полувреме против Доминиканската Република ми го уништи сонот за крај со настап на Олимписките игри. Испуштивме убава можност да направиме историски успех. Ќе беше одлично како врв на мојата репрезентативна кариера да имав настап на Олимпијада-додава Гечевски.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk