Голден Арт е прва пречка на ракометарите за настап во Купот

Во недела се играат елиминационите натпревари од Купот на Македонија, а ракометарите на Куманово за противник ја имаат екипата на Голден Арт КЛ7.

Двете екипи настапуваат во Супер-лигата меѓутоа оваа сезона немаат официјален дуел бидејќи се наоѓаат во две различни групи. Куманово засега нема импресивно враќање помеѓу суперлигашите и имаат една победа и 12 загубени натпревари, меѓутоа амбицијата на клубот е и опстанок помеѓу најквалитетното ракометно друштво. Голден Арт КЛ7 во досегашниот дел од сезоната имаат скор од 6 победи и 7 порази. Победникот на овој дуел се пласира во следната фаза, која ќе се игра во април следната година. 

Натпреварот се игра во недела од 17 часот во салата на Економското училиште.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk