Ибрахимовиќ се враќа во Милано

Напаѓачот на Барселона Златан Ибрахимовиќ се враќа во Италија, после едногодишниот престој во Шпанија.

Ибра пројде на позајмица во Милан, со опција на откуп на договорот на крајот од сезоната за 24 милиони евра.

Швеѓанинот во понеделник ќе ги изврши лекарските прегледи, а потоа ќе потпише четиригодишен договор.

„Јас сум играч на Милан и навистина сум среќен што се заврши се на најдобар можен начин. На навивачите на Интер немам ништо да им кажам“ - изјави Ибрахимовиќ.

Целата трансфер сага со коментар ја заврши неговиот агент Мино Рајола.

„Галијани беше брилијантен, ја спушти цената од 66 милиони евра на само 24 милиони“ - додаде Рајола.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk