Зачленете се во нашиот клуб на читатели и најновите текстови ќе ги добивате на вашата мејл адреса
Македонија се надеваше дека со помош на хрватскиот стратег Лино Червар ќе вплови во подобри ракометни денови, но друг негов сонародник е главен кандидат за селектор.
Ивица Обрван, поранешниот тренер на Загреб, Горење, Медвешчак и Метковиќ е главен кандидат да биде новиот селектор на македонската сениорска репрезентација.
Ова откако опцијата Лино Червар да седне на селекторската клупа била речиси невозможна иако конкурсот што го распиша РФМ за нов предводник на ракометарите се уште трае.
Според „Дневник“, Ивица Обрван бил контактиран преку посредници и тој прифатил да биде селектор. Тој е поранешен хрватски репрезентативец и има бронза од ЕП 1994.
Обрван нема добро искуство со Македонија, зашто токму Вардар му ја загорчи судбината лани полуфиналето од СЕХА лигата кога го елиминираше неговиот Загреб по што доби отказ.
За избор на нов селектор е распишан конкурс, а рокот истекува в среда. Според најавите, Македонија ви требало да добие наследник на Звонко Шундовски најдоцна до петок.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk