Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарската репрезентација на Македонија вечерва го игра клучниот натпревар од квалификациите за Европското Првенство 2011 во Литванија. Во салата „Борис Трајковски“, ја пречекуваме силната репрезентација на Велика Британија.
Поразот од 3 разлика во Њукасл, играње пред домашна публика и можен пласман после овој меч се доволен мотив за нашите репрезентативци вечерва да изиграат на високо ниво.
Во екипата е најавен и Тодор Гечевски, кој и покрај скршеницата на носот изјавил дека сака да игра против Британија, а операцијата ја закажал во среда. Во случај на негово неиграње, неговото место ќе го заземе Златко Гоцевски, а како добра вест е и можниот настап на Ристе Стефанов, кој без проблеми ги одработил вчерашните тренинзи.
Велика Британија доаѓа во Скопје со победи во сите 5 меча, и со НБА ѕвездите Денг и Пос Менса-Бонсу во составот.
Натпреварот почнува во 20:45.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk