Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово без многу проблеми вчера успејаа да го победат тимот на Гоце Делчев од Штип. Натпреварот заврши со резултат 88-64.
Неизвесност на натпреварот имаше само во првата четвртина кога и темпото беше такво да гостите имаат шанса. Во продолжението Куманово ги покажа своите квалитети, а резултат беа неколкуте тројки и посебно забивањата на Вујошевиќ кои ја палеа атмосферата во Спортската сала.
Сите играчи на Куманово добија шанса, а најголем поздрав добија влегувањето на „нашите“ Кристијан Маневиќ и Милош Нинковиќ.
Тие не се запишаа во листата на стрелците, меѓутоа тоа и воопшто не е битно. Последниот „кумановец“ кој имал минутажа во КК Куманово е токму Маневиќ минатата сезона против тимот на Струмица.
Во второто полувреме Куманово го зголемуваше водството и не дозволи изненадување. Во овој натпревар, Михајловски ги одмори најдобрите поединци за понатамошниот тек од сезоната.
Најефикасни поединци во Куманово беа Аврамовиќ со 14 поени, а Костовски имаше одлична партија со 10 асистенции. Кај противникот Караколев постигна 14 поени.
Следниот натпревар Куманово го игра повторно на домашен терен за седум дена, против тимот на Фени Индустри.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk