Кошаркарите на Куманово во Прва лига

Кошаркарите на Куманово  по извојуваната победа над КК Милениум влегуваат во Првата македонска лига. До крајот на првенството остануваат уште два натпревари кои нема битно да ја сменат сегашната состојба.

 Првиот ќе биде службен против дисквалификуваните Академија Баскет, а вториот го играат против АБА Струмица, со која имаат подобар меѓусебен скор, па кумановчани предвреме можат да го слават „влезот“ во елитата.

Ова беше долга и напорна сезона. Имавме доста проблеми со повредите, тешки натпревари, силни противници како АБА и Ултимејт Баскет, но сепак успеавме да се одржиме на врвот. Сега сето тоа е зад нас, и мораме што подобро да се припремиме за Прва лига каде ќе ни биде доста потешко - изјави Кристијан Маневиќ

За втор патник меѓу најдобрите, ќе се борат екипите на АБА Струмица, и Ултимејт Баскет од Прилеп.

По девет годишна пауза, Куманово повторно ќе има свој кошаркарски прволигаш, и ова е најава за повторно враќање на кошарката во Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk