Кошаркарите предноста ќе ја враќаат во Градски парк

Денеска од 19 часот се игра вториот четвртфинален натпревар помеѓу екипите на Работнички и Куманово.

Најтрофејниот Македонски кошаркарски клуб успеа да направи изненадување во првиот натпревар и ја анулираше предноста што Куманово ја стекна во регуларниот дел од сезоната. Кумановчани имаа само троица двоцифрени кошаркари во првиот напревар и ќе мора да го искористат целиот свој потенцијал доколку сакаат да поведат во оваа серија.

Куманово е фаворит за учество во следната фаза и тимот од Градски парк ја препушта фаворитската улога, но од друга страна Работнички најавува дека ќе се обиде да направи ново изненадување во вториот дуел.

Натпреварот започнува во 19 часот со пренос на МРТ.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk