Кумани: Нашиот трофеј е во нашите срца

По синоќешниот инцидент на натпреварот Куманово-МЗТ, кога повеќе лица беа поврдени, се огласи и навивачката група Кумани.

Во соопштението објавено на нивниот ФБ профил, се вели дека тоа што синоќа се случи во спортската сала е голем срам за Кошаркарската федерација на Македонија и полицијата.

„Невини луѓе, мајки и деца беа тепани од нашите “херои“ специјалци. Деца кои дошле да се радуваат на титулата, а однесоа трауми дома. Џабе ви е се, никогаш нема да ја осетите нашата љубов кон клубот. Ние излеговме победници, нашиот трофеј е во нашите срца. Браво за наши херои, тие се наши победници, - стои во објавата.

 Кумани прашуваат зошто полицијата не применила иста сила кога гореше стадионот „Филип Втори“ во Скопје од навивачката група Балисти, туку бруталноста ја покажала само во Куманово. На крај навивачите ги повикаа своите членови, сите 5000 да отидат кога ќе се закаже судењето на нивните приведени колеги и со тоа да покажат дека сите биле присутни на големиот срам. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk