Куманово го пречекува МЗТ Скопје во вториот финален меч

Кошаркарите на Куманово денеска во Спортската сала во Куманово ќе го одиграат вториот дуел од финалето на домашното првенство против екипата на МЗТ Скопје Аеродром.

Куманово забележа пораз во првиот меч и денеска ќе има шанса да израмни на 1-1 по што серијата се враќа во главниот град.

Доколку за овој краток период Куманово успее да ги корегира грешките од првиот натпревар, сигурно дека ќе биде рамноправен противник и шансите за позитивен резултат ќе бидат поголеми.

Кошаркарите и стручниот штаб ветија победа во денешниот дуел, а од голема помош ќе им биде и публиката, која беше побројна и на натпреварот во Скопје, а можеме само да претпоставиме што ќе се случува утре во Спортската сала.

Наптреварот започнува во 19 часот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk