Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово загубија во полуфиналето од Купот на Македонија од тимот на Карпош Соколи со резултат 71-69.
Соколи се покажаа како незгоден противник за Куманово и успејаа да се реваншираат за поразот во домашното првенство. Куманово замина со водство од три поени по првите две четвртини, меѓутоа не успејаа да продолжат во ист ритам по паузата за полувреме. Карпош Соколи го превзеде водството и направи максимални 14 поени предност до средината на четвртата четвртина. Тимот на Тодоровиќ доцна се разбуди, кога со неколку тројки и успеја да ја намали предноста до само еден поен негатива, меѓутоа не успеја да го преврти натпреварот и да забележи победа, со што ја прекина серијата од 9 победи по ред во сите натпреварувања.
Бојан Трајковски беше најефикасен со 23 поени и 11 скока. Кај Соколи, Душан Кнежевиќ и Мајкл Снар постигнаа 15 поени.
Во вториот натпревар, МЗТ Скопје не дозволи изненадување како минатата сезона и го победи тимот на Кожув со резултат 72-62.
Финалето на Купот се игра денеска од 19:30 меѓу екипите на МЗТ Скопје и Карпош Соколи.
Фото (basketball.org.mk)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk