Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово во последната секунда од мечот успејаа да изборат нерешен резултат пред реваншот во Софија. Натпреварот заврши со резултат 74:74.
Куманово имаше добро отворање на мечот и позитива од 8 поени. Во продолжението Левски се консолидираше и успеја да пројде во водство на полувремето.
Како и во речиси сите натпревари досега, третиот период беше кобен за Куманово, каде домаќините прикажаа најлоша игра и губеја со 16 поени разлика.
Кога Левски требаше да го зададе последниот удар, кумановчани дадоа знаци на живот, и наговестуваа пресврт на натпреварот. По неколкуте избрзани и недисциплинирани напади гледачите на трибините не веруваа во пресвртот на Куманово и ги напуштија трибините. Сепак, во последната минута од натпреварот Ројс Паран погоди неверојатна тројка, и имаше дополнително слободно фрлање со што Куманово имаше 2 поена негатива. Следниот напад беше фаулиран Чалмерс, но по двете промашни слободни фрлања, Мандиќ се обиде да поентира од половина терен.
Одпадокот стигна во рацете на Луковиќ кој брзо реагираше и навремено ја смести топката во кошот.
Мандиќ со 23 поени беше најефикасен на мечот, а кај гостите Захариев постигна 14 поени.
Ако се земе впредвид големата разлика која беше надохнадена, Куманово има реални шанси за пласман помеѓу четирите најдобри. По нерешениот резултат, кошаркарите имаат реванш во Софија каде ќе мора да ја подигнат играта на повисоко ниво доколку сметаат на победа во тој дуел.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk