Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово забележаа победа против екипата на Работнички со што се вратија во комбинација за освојување на четвртата позиција која носи Плеј-оф.
Куманово имаше одличен почеток на натпреварот и водство речиси од самиот почеток на мечот. Шутот одлично ги служеше кумановчани кои и имаа двоцифрена разлика до полувремето. Сепак Работнички се врати во вториот дел од натпреварот и следуваше резултатска неизвесност до крајот на мечот. Ентони Дивејн е јунакот на мечот кој успеја да го блокира шутот на Зивчевиќ кој носеше изедначување.
Дивејн беше и најефикасниот играч кај победникот со 22 поени, додека Александар Димитровски од Работнички постигна 23 поени.
Оваа победа беше и повеќе од потребна на кумановчани и пристигна во вистински момент. КК Куманово во петок игра на завршницата од БИБЛ Лигата, па сигурно денеска е вратена самодовербата во тимот и патуваат растеретени бидејки не се загубени шансите во домашното првенство.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk