Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово загубија на премиерниот настап ФИБА Еврокупот, каде што загубија од тимот на Турк Телеком со резултат 93-71.
Кумановчани освен почетното водство со тројката на Мандиќ, имаа негатива во текот на целиот натпревар. После првата смена на резултатот, турскот состав ја зголемува предноста која во еден момент изнесуваше и 18 поени разлика. Фасцинантни беа процентите кои Турк Телеком ги имаше во првото полувреме, а тоа се 83,3% за 2 поени и 44,4% успешност од линијата за три поени. На тоа ако се придодадат уште 13 асистенции, тогаш можеме слободно да констатираме дека разликата од 11 поени со која заминаа на полувреме и не е голема. Резултатот на полувреме беше 47:36.
Третата четвртина е најсветлиот момент во тимот на Куманово. Полека но сигурно успејаа да ја топат разликата, а на скоро две минути пред крајот на натпреварот имаа и нерешен резултат од 58:58. Турците веднаш вратија со три поени, и мини серија со што во последниот периот, Куманово влезе со резултат 66:60.
Во последната четвртина со серијата од 9-0, турците најавија дебакл на Куманово, кое првите поени ги постигна по 4 минути игра. Турк Телеком не дозволи изненадување на домашен терен во првото коло, ги постави максималните 26 поени разлика и триумфираше убедливо со резултат 93-71.
Најефикасен кај домаќинот беше Борис Савовиќ со 22 поени и 5 скока. За Куманово Александар Костовски постигна 17 поени .
Следниот натпревар Куманово го игра на домашен терен против тимот на Бест.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk