Куманово со ново засилување ќе брка победа против Еуро Никел

Андрија Марјановиќ е новото засилување на Куманово со кое ќе се обидат во недела да забележат победа против тимот на Еуро Никел од Кавадарци.

Српскиот интернационалец има 23 години, игра на позициите 2-3 и во својата кариера настапувал во младинскиот тим на Барселона, младинската репрезентација на Србија со која има злато на Европско првенство до 18 години, а во сениорската кариера играл за Мега, Беовук, Слобода Ужице, Златибор и Металец.

Еуро Никел ќе дојде по победа бидејќи се наоѓа на шесттата позиција на табелата со 10 победи и 8 порази колку што има и Феникс 2010 кој е на седмото место. 
Натпреварот се игра во недела во 18:30.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk