Зачленете се во нашиот клуб на читатели и најновите текстови ќе ги добивате на вашата мејл адреса
Во НБА лигата се одиграа последните натпревари од регуларниот дел, во кои ЛА Лејкерс го победи Хјустон 99:95 по продолжението и се пласираше во плејофот во Западната конференција.
Езерџиите и пред почеток на мечот веќе беа пласирани во плејофот, по поразот на Јута на гостувањето кај Мемфис 86:70. Единствена непозната беше дали ќе бидат 8 или пак 7, дали ги чека дуел со Оклахома или Сан Антонио.
Таа непозната беше решена по дополнителните 5 минути по кои Лејкерс славеше и се избори за пресметка со „мамузите“.
Предводници на победичкиот тим беа Стив Блејк кој имаше 24 поени и 4 асистенции, како и По Гасол кој забележа трипл-дабл, 17 поени, 20 скокови и 11 асистенции. Добар меч за тимот од Лос Анџелес одиграа Двајт Хауард , 16 поени и 18 скокови и резервистот Ентоан Џејмисон кој постигна 16.
Џејмс Харден и Чендлер Парсонс беа најпрецизни кај поразената екипа. Првиот уфрли 30 поени со 8 асистенции, додека Парсонс даде 23 кошеви, вклучувајќи ја тројката со која го одведе мечот во продолжение.
Портланд-Голден Стејт 88:99
Сакраменто-ЛА Клиперс 108:112
ЛА Лејкерс-Хјустон 99:95
Денвер-Феникс 118:98
Оклахома-Милвоки 89:95
Сан Антонио-Минесота 98:105
Далас-Њу Орлеанс 99:87
Мемфис-Јута 86:70
Чикаго-Вашингтон 95:92
Индијана-Филаделфија 95:105
Мајами-Орландо 105:93
Шарлот-Кливленд 105:98
Њујорк-Атланта 98:92
Бруклин-Детроит 103:99
Торонто-Бостон 114:90
Мајами –Милвоки
Њујорк-Бостон
Индијана-Атланта
Чикаго-Бруклин
Оклахома-Хјустон
Сан Антонио-ЛА Лејкерс
Денвер-Голден Стејт
ЛА Клиперс-Мемфис
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk