Македонија победи против Белгија

Кошаркарските репрезентативци на Македонија успејаа во неизвесен натпревар да ја совладаат екипата на Белгија со 76-73.

Со многу осцилации во играта, нашите репрезентативци ја забележаа првата победа во групната фаза во квалификациите за Европското првенство 2015 година. Селекцијата на Белгија делуваше поорганизирано и делумно имаше подобра игра, но сепак сето тоа неможеа да го реализираат на во поголема предност и одржување на водството.

Македонија играше променливо, со премногу шутеви за три поени, но сепак успеваше да го држи противникот на пристојно растојание, за да на крајот успее да го одведе натпреварот во продолженија, а подоцна по екстра времето и забележи битна победа на стартот од квалификацискиот циклус.

Војдан Стојановски и Бојан Трајковски постигнаа 16 поени, а Марко Симоновски ја постигна клучната тројка за победа.

Следниот натпревар, репрезентативците го играат против Данска за три дена.

(фото: basketball.org.mk)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk