Зачленете се во нашиот клуб на читатели и најновите текстови ќе ги добивате на вашата мејл адреса
Кумановската пливачка Миа Додевска продолжи со успешните настапи на меѓународните натпревари, откако на „Лесковачки победник 2026“ во Лесковац, Србија, освои второ место на 50 метри градно.
Додевска настапи во три дисциплини и повторно се најде меѓу најдобрите во својата конкуренција. Покрај сребрениот медал на 50 метри градно, таа го освои четвртото место на 50 метри грбно и четвртото место на 100 метри градно.
Со овој настап, младата пливачка ја продолжи серијата успешни резултати, стигнувајќи до 17. медал по ред на натпреварите на кои настапува.
Миа Додевска е членка на Пливачкиот клуб „Немо“ од Куманово, кој во изминатиот период бележи повеќе успешни настапи на домашни и меѓународни пливачки митинзи.
2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk